🎯Mga Mahalagang Punto

• Hindi maaasahang senyales ng high blood ang sakit ng batok.
• Ayon sa World Health Organization, karamihan ng may hypertension ay walang nararamdamang sintomas.
• Marami nang nasa edad dalawampu ang may mataas na presyon at hindi nila alam.
• Ang tanging paraan para malaman ay magpasukat sa botika, health center, o clinic.
• Kung mataas ang nasukat mo, magpatingin sa internist para makumpirma.

Ang problema sa sakit ng batok

Bakit hindi na ito pinag-uusapan ng matatanda

Ang tanging paraan, at ito ang totoong sagot

• Magpasukat sa botika, sa health center, o sa opisina kung may clinic
• Kung may sariling BP monitor, umupo muna nang limang minuto, huwag magsalita habang sinusukat
• Isang mataas na basa ay hindi diagnosis. Ang doktor ang nagkukumpirma nito gamit ang paulit-ulit na sukat sa magkaibang araw

This article is for general information only and is not a substitute for professional medical advice, diagnosis, or treatment. If symptoms are severe or getting worse, see a doctor or go to the nearest hospital.

The post Hindi sakit ng batok ang senyales ng high blood. Ito ang tanging paraan para malaman. appeared first on NowServing Health.

🎯Mga Mahalagang Punto

• Ang systolic ang unang numero at ang diastolic ang pangalawa sa blood pressure reading.
• Ang edad, sakit sa puso, at sakit sa bato ay maaaring magpataas ng diastolic pressure.
• Makakatulong ang ehersisyo, DASH diet, pagbabawas ng stress, at pagtigil sa paninigarilyo.
• Magpatingin nang regular sa doktor at kumonsulta sa cardiologist para sa treatment plan na angkop sa iyo.

Tandaan na ang blood pressure ay kailangang kontrolin kung ito ay lampas na sa normal na blood pressure range. Gayunpaman, kung ang systolic ay nananatiling pareho, at ang diastolic blood pressure ay nagbabago, maaaring may panganib na dala ito sa kalusugan na dapat tugunan ng mga pasyente. Sa ganitong kaso, mahalaga na malaman kung paano pababain ang blood pressure nang epektibo. Simulan na natin!

Pag-unawa sa Pagbabasa ng Presyon ng Dugo

May dalawang mahalagang numero sa pagbabasa ng iyong blood pressure results. Ang systolic blood pressure ang unang numero na nagpapakita ng lakas ng tibok ng puso habang nagpapadaloy ito ng dugo sa mga ugat. Samantalang, ang diastolic blood pressure naman ay ang pangalawang numero na nagpapakita ng pagpapahing ng puso sa pagitan ng mga tibok. Halimbawa, ang 110/70 bp ay nangangahulugang 110 systolic at 70 diastolic. Tandaan na ang blood pressure ay gumagamit ng mm Hg o millimeters of mercury bilang unit ng pagsukat.

Pagdating naman sa normal na blood pressure, ito ay nasa pagitan ng 110-130 mm Hg para sa systolic blood pressure at 60-70 mm Hg para sa diastolic blood pressure. Samakatuwid, ang mataas na presyon ng dugo ay lagpas ng 130 hanggang 139 mm Hg systolic pressure at 80 hanggang 89 mm Hg diastolic pressure. Ang sakit na ito ay tinatawag na high blood pressure o hypertension na dapat lunasan agad.

Maaaring mapansin na may iba’t ibang blood pressure readings ang makikita sa buong araw. Karaniwan itong naiimpluwensyahan ng iba’t ibang gawain at kinakain sa pang araw-araw.

Ano ang High Diastolic Blood Pressure?

Ang mataas na diastolic blood pressure ay isang karamdaman na may kaugnayan sa high blood pressure o hypertension. Ito ay uri ng mataas na presyon ng dugo kung saan may patuloy na presyon sa mga ugat o blood vessels habang ang puso ay nasa estado ng pahinga.

Tandaan na ang ganitong sitwasyon ay nakakabahala dahil ito ay naglalagay sa mga tao sa panganib ng stroke, heart attack, at iba pa. Pinakamabuting humingi kaagad ng tulong medikal upang matugunan ang problemang ito.

Mga Dahilan sa Pagtaas na Diastolic Blood Pressure

Ang ilang karaniwang hindi makokontrol na risk factors ay kinabibilangan ng edad, cardiovascular diseases, at kidney disease. Alamin natin ang konseksyon ng mga salik na ito sa pagtaas ng diastolic blood pressure:

Edad

Ang relasyon ng edad at diastolic blood pressure ay komplikado. Habang ang systolic blood pressure ay karaniwang tumataas kasabay ng pagtanda, ang diastolic blood pressure ay may ibang patern. Kadalasan, ang mga taong wala pang 50 taong gulang ay nagkakaroon ng mataas na diastolic blood pressure, na lubhang nakakabahala.

Nangyayari ito dahil ang mga ugat ng mas batang tao ay may tendensyang mas matigas at lumalaban sa daloy ng dugo, na lumilikha ng mas mataas na presyon kapag ang puso ay nasa pahinga. Gayunpaman, habang tumatanda tayo, ang ating mga ugat ay natural na nagiging mas hindi elastiko, na maaaring magresulta sa pagbaba ng diastolic pressure habang tumataas ang systolic pressure.

Sakit sa Puso o Heart Disease

Ang mga dating kondisyon sa cardiovascular ay malaking epekto sa diastolic blood pressure. Pag-usapan natin ang mga kondisyong ito:

• Atherosclerosis (pagtigas ng mga ugat): Maaari itong magdulot ng mas mataas na paglaban sa mga daluyan ng dugo, na humahantong sa pagtaas ng diastolic pressure.
• Mga problema sa aortic valve: Isang kondisyon na nakaaapekto sa daloy ng dugo sa puso at mga ugat, na maaaring magpataas ng diastolic pressure.
• Iba pang kondisyon na nakakaapekto sa function ng kalamnan ng puso: Maaari nitong baguhin ang kakayahan ng puso na mapanatili ang normal na pattern ng presyon sa pagitan ng mga tibok, na dagdag sa diastolic hypertension.

Sakit sa Bato

Panghuli, ang mga bato ay may mahalagang papel sa pag-regulate ng blood pressure, kaya ang sakit sa bato ay isang pangunahing risk factor para sa diastolic hypertension. Kapag ang mga bato ay nasira o hindi gumagana ng maayos, maaaring hindi nila masala ng epektibo ang labis na fluid at sodium sa dugo. Ito ay humahantong sa fluid retention at pagtaas ng blood volume, na direktang nakakaapekto sa diastolic pressure.

Samantala, ang chronic kidney health conditions ay maaari ring mag-activate ng renin-angiotensin-aldosterone system, isang hormone cascade na nagpapataas ng blood pressure. Ang ganitong sakit sa bato ay madalas na nagdudulot ng arterial stiffness, na nakakaambag sa patuloy na pagtaas ng diastolic pressure.

Tandaan ang mga risk factors na ito ay madalas na may interaksyon sa isa’t isa, na posibleng lumikha ng cycle na maaaring magpalala sa blood pressure control. Ang regular na medical monitoring at angkop na pagbabago sa pamumuhay ay mahalaga para sa epektibong pamamahala ng mga panganib na ito.

Senyales at Pag-diagnose na Mataas ang Diastolic Blood Pressure

Ang diagnosis na mababa ang iyong diastolic blood pressure ay batay sa blood pressure reading na <130 mmHg/ ≥80 mmHg), kasama ang mga hypertensive symptoms. Bukod dito, ang patient-centered factors tulad ng edad, timbang, at medical comorbidities ay may mahalagang papel din sa diagnosis ng pasyente.

Narito ang mga sumusunod na sintomas na nagsasabing ikaw ay may mataas na diastolic pressure readings:

• Pagkahilo o pagliglig
• Sakit ng ulo
• Pagtaas ng pagpapawis
• Heart palpitations
• Pagduduwal o pakiramdam na parang masusuka
• Malabong paningin

Paano Pababain Ang Diastolic Blood Pressure

Ang mga pagbabago sa pamumuhay at posibleng pharmacological treatment ay kapaki-pakinabang sa pamamahala ng mataas na diastolic blood pressure. Ayon sa isang pag-aaral, karamihan sa mga pasyenteng may mataas na diastolic BP ay mas bata, may mataas na body mass index (BMI), at mga naninigarilyo.

Samakatuwid, ang pagiging fit, pagsunod sa prescribed diet, tamang exercise training, at pagtigil sa paninigarilyo ay ilan sa mga epektibong blood pressure management treatments. Kung ang mga pagbabago sa pamumuhay at pagkain ay hindi sapat para pababain ang iyong blood pressure, maaaring irekomenda ng iyong doktor ang pag-inom ng mga sumusunod na gamot:

• Thiazide diuretics
• Angiotensin converting enzyme inhibitors (ACE)
• Angiotensin II receptor blockers (ARBs)
• Calcium channel blockers (CCB)

Tandaan na karamihan ng mga pasyente ay may existing maintenance medications para sa iba pang umiiral na kondisyong medikal. Mahalaga na suriin ang drug-drug interactions kapag nagdaragdag ng antihypertensive drug sa treatment regimen ng pasyente. Mag-ingat din sa biglaang pagbaba ng blood pressure kapag binigyan ng ganitong uri ng gamot.

Paano Pababain ang Diastolic Blood Pressure sa Natural na Paraan?

Narito ang 5 kapaki-pakinabang na tips para makamit ang normal na blood pressure sa natural na paraan:

Mapanatili ang Aktibong Pamumuhay (Dagdagan ang Physical Activity)

Ang pisikal na ehersisyo ay nakakabawas ng blood pressure sa pagsisikap at karaniwang inirerekomenda nang regular. Napansin na ang endurance training, resistance training, isometric, at combined training ay nakakapagpababa ng diastolic blood pressure. Naitalang mas malaki ang bawas sa blood pressure kapag may  maikling endurance training duration sa moderate hanggang high intensity na exercise .

Pagkain ng Tama Upang Mabawasan ang Timbang

Bukod sa ehersisyon, mahalaga din ang pagsunod sa DASH diet upang makatulong sa pagbabawas ng timbang hanggang makuha ang moderate weight na hahantong sa pagbaba ng blood pressure.

Pagbabawas ng Stress

Bilang reaksyon sa stress sa mental health, ang iyong katawan ay gumagawa ng mga hormone na nagpapataas ng blood pressure. Mahalaga na malaman na dapat iwasan ang mga bagay na nagti-trigger sa mga ito. Subukan ang deep breaths o deep breathing techniques para mabawasan ang stress levels. Makakatulong din ang relaxation techniques tulad ng meditation para maiwasan ang stress.

Iwasan ang Paninigarilyo o Smoking Habit

Ang nicotine content sa mga sigarilyo ay nagiging sanhi ng pagtaas ng blood pressure. Magiging kapaki-pakinabang ang lifestyle changes tulad ng unti-unting pagbabawas at pagtigil sa paninigarilyo para maiwasan ang pagtaas ng blood pressure.

Mga Pagkain para Pababain ang Diastolic Blood Pressure

DASH Diet

Ang Dietary Approaches to Stop Hypertension (DASH) diet ay isang angkop at epektibong nutritional diet strategy o eating plan para pababain ang blood pressure.

Ito ay binubuo ng mga dietary changes sa mga sumusunod:

• Mga gulay
• Mga prutas
• Isda
• Nabawasang portions ng red meats
• Nabawasang sugar-sweetened foods
• Nabawasang sugar-sweetened beverages
• Low-fat dairy products
• Nabawasang saturated fat at cholesterol

Magdagdag ng Magnesium at Potassium-rich Food sa Iyong Diet

Ang mga mani, legumes, at gulay na naglalaman ng magnesium ay may protective effect laban sa hypertension. Samantala, ang potassium supplementation ay nakakatulong din sa pagbaba ng blood pressure levels.

Kumain ng High-fiber Food

Mahalaga din ang pagkonsumo ng pagkain na mataas ang fiber tulad ng whole grains, whole oats, whole barley, legumes, peas, beans, at flax seeds. Ito ay kapaki-pakinabang sa mga pasyenteng may mataas na blood pressure.

Probiotics

Bukod sa mga nabanggit, pinapakita rin na ang probiotics ay mabisang pagkain upang mabawasan ang diastolic at systolic blood pressure ng mga pasyenteng may underlying medical conditions tulad ng diabetes at obesity.

Bawasan ang Salt Intake

Dahil ang sodium ay maaaring magpataas ng iyong blood pressure, bawasan ang sodium intake sa 1,500 milligrams o mas mababa pa sa isang araw.

Bawasan ang Alcohol Intake

Ang pag-inom ng alak ay nagpapataas ng iyong blood pressure. Mas mabuting bawasan ang pag-inom ng alak upang bumaba ang blood pressure sa normal blood pressure range.

Kailan Dapat Kumunsulta sa Iyong Doktor

Tandaan na ang mga pasyente na may mataas na blood pressure ay dapat may regular na check-up sa kanilang mga doktor.

Ang iyong doktor ay maglalatag ng pinakamahusay na treatment plan na angkop sa iyong mga sintomas at kondisyon. Kumonsulta rin sa iyong doktor tungkol sa magandang blood pressure monitor at ilang best practices para sa pagkuha ng iyong blood pressure sa araw-araw.

Paano Mag-book ng Konsultasyon sa Cardiologist

Kung ikaw ay naghahanap ng pinakamahusay na doktor para sa high blood pressure, makakatulong ang paggamit ng NowServing. Maaari kang maghanap ng mga doktor na matatagpuan sa Manila, Quezon City, Makati, Pasig, Taguig, at maging mga doktor sa labas ng Metro. Bukod dito, maaari ka ring makahanap ng mga doktor na nakaugnay sa mga kilalang ospital sa healthcare platform na ito.

Narito kung paano mag-book ng konsultasyon:

• I-click ang link para makita ang listahan ng mga cardiology doctors sa Pilipinas.
• Mag-browse at pumili ng iyong gustong doktor sa pamamagitan ng pag-click sa “Book Appointment” button.
• Piliin kung ikaw ay bagong pasyente o dating pasyente na ng doktor
• Punan ang form ng iyong impormasyon para makumpleto ang iyong appointment.
• Maghintay ng kumpirmasyon ng booking.

Maaari mo ring gamitin ang NowServing app para mag-book ng konsultasyon. I-download lamang ang app dito. Kung kailangan mo rin humanap ng ospital para makahanap ng doktor sa high blood tulad ng Philippine Health Center, narito ang NowServing para sa iyo. 

Konklusyon

Ang pagtatrabaho sa kung paano pababain ang diastolic blood pressure ay maaaring mahirap. May ilang mga paraan kung paano makakamit ang ninanais na resulta. Gayunpaman, pinakamainam pa rin na sumunod sa treatment plan na partikular para sa iyong sitwasyon. Kaya mainam na humingi kaagad ng tulong kapag kailangan ng pasyente na pababain ang diastolic blood pressure.

Kung ikaw ay isa sa mga pasyenteng kailangang pababain ang kanilang diastolic blood pressure, huwag mag-atubiling magpa-konsulta sa isang cardiologist.

Gamot sa Altapresyon

Basahin ang aming gabay sa mga gamot, home remedy, at kailan magpa-doctor: Gamot sa Altapresyon: High Blood Medicine, Pagkain, at Lunas.

The post Paano Pababain ang Blood Pressure (at Dapat Mo Ba Gawin Ito) appeared first on NowServing Health.

🎯Mga Mahalagang Punto

• Ang sobrang asin, kulang sa galaw, at family history ay maaaring magpataas ng presyon.
• Kapag biglang tumaas ang presyon, umupo o humiga at huminga nang malalim at mahinahon.
• Sa bahay, regular na sukatin at itala ang presyon gamit ang blood pressure monitor.
• Magpatingin agad sa doktor kung may pagkahilo, matinding sakit ng ulo, pagduduwal, o malamig na pawis.

Ang hypertensive urgency at hypertensive crisis ay dalawang kritikal na sitwasyon para sa mga pasyenteng may mataas na presyon ng dugo. Kapag ang isang pasyente ay nasa ganitong kalagayan, may biglaang pagtaas sa kanilang presyon ng dugo na maaaring mapanganib sa kanilang kalusugan. Kaya’t napakahalaga na malaman ang tamang hakbang para sa first aid sa high blood.

Hindi lihim na ang alta presyon o hypertension ay isa sa lubhang nakamamatay na sakit na kailangan tutukan. Sa pamamagitan ng pagkakaintindi sa first aid sa mataas na presyon ng dugo, ang mga pasyente at kanilang mga kapamilya ay maaaring maging mas panatag, kahit pa sa mga kritikal na sandaling ito. Sa artikulong ito, tatalakayin natin ang iba’t ibang paraan para bumaba ang presyon ng dugo, at kung ano ang mga mahalagang hakbang na dapat gawin. Simulan na natin!

Pag-unawa sa Mataas na Presyon ng Dugo

Ang presyon ng dugo ay sukat ng puwersa ng dugo laban sa mga dingding ng mga ugat. Ito ay naitatatala sa dalawang numero: ang systolic blood pressure at ang diastolic blood pressure. Ang mga sukat na ito ang magsasabi kung ang pasyente ay nasa normal na antas o nanganganib na.

Kadalasan, ang normal na sukat ay nasa 110/70 o mas mababa sa 120/80. Kapag ang presyon ng dugo ay higit sa 130/80 mm Hg, ito ay itinuturing na mataas at maaaring magpahiwatig ng alta presyon o mataas na presyon ng dugo. Kapag ito ay nangyari, mahalagang isagawa ang first aid sa mataas na presyon ng dugo upang mapababa ito sa normal na numero.

Tandaan na ang mataas na presyon ng dugo ay maaaring magdulot ng pagod sa puso at mga ugat. Maaari nitong taasan ang panganib ng atake sa puso, heart failure, stroke, at iba pang malubhang kondisyon sa kalusugan. Kung kaya’t mahalaga na maging alerto upang maiwasan ang panganib na ito at mapanatili ang normal na presyon ng dugo.

Ano ang Mga Sanhi ng Mataas na Presyon ng Dugo?

Maraming bagay ang maaaring magdulot ng pagtaas ng presyon ng dugo. Kasama rito ang mga pang araw-araw na pagkain, paraan ng pamumuhay, at maging ang mga salik sa kapaligiran. Subalit kahit maraming salik ang pwedeng maging sanhi ng mataas na presyon ng dugo, kadalasan itong hindi pinapansin ng mga tao. At dahil dito, posibleng magkaroon ng banta sa kalusugan dahil sa epekto ng mga nabanggit sa presyon ng dugo.

Ilan lamang ang mga iyon sa posibleng maging sanhi ng mataas na presyon ng dugo. Ating kilalanin kung bakit nga ba sila nagiging banta sa kalusugan ng mga tao.

Pagkain at Nutrisyon

Kagaya ng nabanggit, posibleng makaapekto sa presyon ng dugo ang mga pagkain na kinakain sa araw-araw. Ang labis na pagkonsumo ng asin ay maaaring magpanatili ng tubig sa katawan, na nagpapataas sa dami ng dugo at nagdudulot ng karagdagang presyon sa mga ugat.

Pamumuhay

Bukod sa pagkain, posible rin na magdulot ng pagtaas ng presyon ng dugo ang pagkakaroon ng sedentary lifestyle. Kadalasan itong humahantong sa pagtaas ng timbang na nagiging sanhi ng karagdagang bigat sa puso.

Mga Kapaligiran

Samantala, maaari rin na magdulot ng hypertension ang iba pang salik tulad ng matinding init at pagod ng katawan. Ang matinding init ay nagiging dahilan upang mas magtrabaho nang husto ang katawan para mapalamig ito. Bukod dito ay bumibilis ang tibok ng puso na maaaring magresulta sa hypertensive urgency o hypertensive crisis.

Ngunit, dapat, tandaan na ang mga salik sa kapaligiran tulad ng panahon ay hindi direktang nagdudulot ng alta presyon. Ito ay kumikilos lamang bilang isang nagpapabigat na kadahilanan.

Iba Pang Rason sa Hypertension 

Maramimg sitwasyon ang posibleng maging sanhi ng alta presyon sa mga matatanda at bata. Isa sa mga ito ang family history ng pasyente. Mataas ang posibilidad na magkaroon ng sakit na ito kapag marami sa iyong pamilya ang mayroon nito. Bukod dito, ang mga kasalukuyang kondisyong medikal ay maaari ring humantong sa pagkakaroon nito.

Halimbawa, kapag may sakit sa bato ang isang tao, hindi maayos na gumagana ang kanilang mga bato. Dahil naaapektuhan ang paglabas ng tubig sa katawan, maaaring tumaas ang presyon ng dugo. Sa madaling salita, maaaring magkaroon ng high blood pressure kapag mayroong sakit sa bato.

Kasabay nito, ang sakit sa puso ay maaari ring maging sanhi ng alta presyon. Kung may mga baradong ugat, maaari itong magresulta sa mas malakas na pagtibok ng puso upang dumaloy ang dugo. Sa gayon, tumataas ang normal na presyon ng dugo.

Bagama’t hindi lahat ay maaaring makaranas ng mga nabanggit na sanhi, dapat tandaan na ang mga ito ay dapat tandaang mabuti. Sa pamamagitan ng kaalaman na ito, matutulungan ang mga tao na tingnan at bantayan ang posibleng banta ng hypertension sa kalusugan. Kung sakaling labis na tumaas ang presyon ng dugo, dapat tandaan na posibleng masolusyunan ito gamit ang first aid sa mataas na presyon ng dugo.

First Aid sa High Blood

Gaya ng nabanggit, ang first aid sa mataas na presyon ng dugo ay mahalaga upang labanan ang alta presyon, lalo na kapag may biglaang pagtaas nito. Kung kaya’t dapat bantayan ang anumang senyales ng panganib at masimulan ang gamutan.

Narito ang mga epektibong hakbang na nabibilang sa first aid para sa hypertension:

Umupo o Humiga at Huminga nang Mahinahon

Kung sakaling makaranas ng biglaang pagtaas ng presyon, dapat tandaan na mahalaga ang umupo o humiga sa kumportableng posisyon. Ang malalim at mahinang paghinga ay makakatulong na mapanatag ang katawan at mapababa ang tibok ng puso at presyon ng dugo.

Luwagan ang Suot na Damit

Isa rin sa dapat na gawin ay ang pagpapaluwag ng damit na suot ng mga nakakaranas ng alta presyon. Ang pagtatanggal ng ilang butones sa damit ay makakatulong sa maayos na daloy ng dugo sa katawan.

Uminom ng Gamot Pankontra sa Alta Presyon

Kung sakaling ikaw ay dati pang na diagnose na may high blood pressure ay huwag kakalimutan ang pag-inom ng gamot. Ang mga gamot na ito ay mahalagang inumin upang makatulong sa biglaang pagtaas ng presyon. Gayunpaman, kung hindi pa na-diagnose, mabuting magtungo sa sa emergency room upang maiwasan ang malalang epekto ng hypertension..

Kailan Dapat Magpatingin sa Doktor

Magpatingin kaagad sa doktor kung may mga sumusunod na sintomas:

• Pagkahilo at panghihina
• Matinding pananakit ng ulo
• Pagduduwal
• Malamig na pawis
• Problema sa paningin
• Hirap sa paghinga

Ang mga sintomas na ito ay senyales ng hypertensive emergencies. Kung sakaling magpatuloy ang mga nabanggit na sintomas, dapat lamang na magpunta agad sa doktor upang maiwasan ang posibleng komplikasyon na dulot ng mga ito.

Bisitahin ang kaugnay na pag na ito kung hindi mo alam kung anong doktor ang dapat pupuntahan para sa high blood pressure. 

Pagbisita sa Emergency Room para sa Hypertensive Urgency at Hypertensive Crisis

Sa pagbisita sa emergency room, mahalagang ipaliwanag sa doktor ang lahat ng nangyari. Kasama rito ang pagbanggit kung kailan nagsimula ang atake, ang mga sintomas, gaano katagal ito naranasan, ang mga first aid na ginawa, at iba pang mahahalagang pangyayaring naganap. Kasabay nito, mahalaga ring ibahagi sa doktor ang kasalukuyang mga gamot, lalo na kung ang mga ito ay pang-maintenance. Sa ganitong paraan, mas maiintindihan ng doktor ang buong sitwasyon at ang posibleng susunod na plano.

Tandaan na may mga karagdagang pagsusuri ang isasagawa, lalo na kung nais ng doktor na suriin ang kasalukuyang kalagayan ng pasyente. Kabilang sa mga pagsusuring ito ang:

• CBC o blood chem test
• Urinalysis
• Electrocardiogram o ECG Puwedeng i-book ang ECG online sa NowExpress.

Ang mga pagsusuring ito ay makakatulong na malaman ang antas ng kolesterol, sodium, at iba pa. Kung ang mga resulta ay nagpapakita ng abnormal na dami, gagawa ang doktor ng plano ng paggamot upang matugunan ang kondisyon at mapababa ang presyon ng dugo. Karaniwan, pagkatapos ng ilang oras, maaari nang umuwi ang pasyente para magpahinga at inumin ang mga iniresetang gamot.

Isa sa mga ospital na pwede mong puntahan para sa masusing pagsusuri ng iyong kalagayan ay ang Philippine Heart Center.

Pag-monitor ng Presyon ng Dugo sa Bahay

Pagkatapos ng check-up, mahalagang patuloy na subaybayan ang kondisyon kahit nasa bahay na. Sa ganitong paraan, makikita ng pasyente ang mga biglaang pagbabago at malalaman kung ito ay maaaring magdulot ng panganib sa kanilang kalusugan.

Para ma-monitor ang presyon ng dugo sa bahay, mahalagang mag-invest sa isang maaasahang blood pressure monitor. May iba’t ibang uri na available, kabilang ang manual at digital na monitor.

Tandaan na ang consistency ang susi sa tamang pag-momonitor ng presyon ng dugo sa bahay. Sa pamamagitan ng pagpapanatili ng regular na iskedyul at pagtatala ng mga resulta, maaaring makita ang pagtaas at pagbaba ng presyon hanggang sa maging normal blood pressure ito.

Mga Kadalasang Katanungan Tungkol sa First Aid Para sa Hypertension

Maaari bang mapababa ng pag-inom ng tubig ang aking presyon ng dugo?

Bagaman ang pag-inom ng tubig ay mahalaga para sa hydration, hindi ito lubhang mahalaga para sa first aid sa mataas na presyon ng dugo. Bukod dito, ang labis na pag-inom ng tubig ay maaaring makaapekto sa sodium levels. Gayunpaman, ang pagiging hydrated ay makakatulong kalusugan ng puso at sa patuloy na pagdaloy ng dugo. Dapat tandaan na mahalaga ang kumunsulta sa doktor kapag kailangan upang magabayan sa nararapat na hakbang para sa high blood management.

Gaano kabilis ko maaaring mapababa ang aking presyon ng dugo?

Ang pagpapababa ng presyon ng dugo ay isang unti-unting proseso na nangangailangan ng pangmatagalang pagbabago sa pamumuhay. Bagaman ang ilang mga pagbabago sa pagkain tulad ng pagbabawas ng sodium intake, ay maaaring magkaroon ng agarang epekto sa presyon ng dugo, ang pagpapanatili ng malusog na pamumuhay ang susi para sa normal blood pressure. Bukod dito, ang regular na ehersisyo, balanseng pagkain, at pamamahala ng stress ay makakatulong din sa pagpapababa ng presyon ng dugo. Mahalagang kumunsulta sa isang propesyonal sa kalusugan para sa personal na patnubay sa pamamahala ng presyon ng dugo.

Paano kumunsulta sa cardiologist sa NowServing?

Kung balak mong kumunsulta sa doktor gamit ang NowServing, dapat lang sundin ang mga sumusunod:

1. i-click ang link na ito
2. Pumili ng doktor sa listahan at i-press ang “Book Appointment” na button
3. Piliin kung ikaw ay dating pasyente o bagong pasyente ng napiling doktor
4. Punan ang form ng mga kailangan impormasyon upang matapos ang pag-book ng consultation
5. Antayin ang kumpirmasyon ng iyong consultation

Bukod sa pag-book sa website, maaari rin i-download ang app para sa madaliang pagkonsulta sa doktor.

Konklusyon

Ang banta ng mataas na presyon ng dugo ay maaaring nakakabahala, lalo na kung hindi handa ang mga pasyente sa paghawak ng hypertensive crisis at hypertensive urgency. Dahil dito, makakatulong ang kaalaman sa first aid sa mataas na presyon ng dugo na tinalakay sa blog na ito.

Tandaan na ang ating kalusugan ay napakahalaga. Ang pinakamahusay na paraan upang maiwasan ang mga pangmatagalang komplikasyon ay ang pagiging handa. Alamin pa kung paano kontrolin ang alta presyon ngayon!

Mag-book ng online na konsultasyon o bumisita sa isang cardiologo sa inyong lokal na health center para sa check-up.

I-book ang ECG online sa NowExpress.

The post Kaalaman sa First Aid sa High Blood appeared first on NowServing Health.

🎯Mga Mahalagang Punto

• Normal ang blood pressure na 110/70 at 110/60 para sa lalaki at babae.
• Hypotension ang tawag kapag ang systolic ay mas mababa sa 90.
• Karaniwang sintomas ang pagkahilo, panlalabo ng paningin, panghihina, at pakiramdam na mahihimatay.
• Sa bahay, magpahinga muna at gamitin ang parehong braso sa bawat pagsukat.
• Magpakonsulta sa cardiologist kung tuloy ang pagbaba ng BP at sintomas.

Ano ang ibig sabihin kapag ikaw ay may mababang presyon ng dugo?

Kahulugan ng mga Termino

Ang presyon ng dugo ay tumutukoy sa puwersa ng dugo sa loob ng ugat sa katawan, na tinatawag na arterya. Habang pumipintig ang puso upang dumaloy ang dugo, maaaring malaman ang presyon ng dugo. Ang pinakamataas na sukat ng presyon sa mga arterya ay kilala bilang systolic pressure (natatala bilang itaas na numero), samantalang kapag nagpapahinga ang puso, bumababa ang presyon at ngreresulta sa pinakamababang sukat na tinatawag na diastolic pressure (natatala bilang ibabang numero). Nakikita ang mga bilang na ito sa sphygmomanometer (aparato para sa pagsukat ng presyon). Gumagamit ito ng yunit na millimeters of mercury (mm Hg) sa pagsukat ng presyon ng dugo.

Figure1: Chart na naglalaman ng presyon ng dugo at ang kahulugan nito. 

Kapag may mataas na presyon ng dugo, ang bilang sa systolic pressure at patuloy sa pagtaas mula 120 – 129, samantalang ang diastolic pressure ay mas mababa sa 80 mmHg.

Ang mga antas ng mataas na presyon ng dugo o hypertension:                                                                                                                                                                                             

• Hypertension Stage 1 – 130-139/80-89 mmHg
• Hypertension Stage 2 – ≥140/≥90 mmHg
• Hypertensive Crisis – >180/>120 mmHg

Subalit, ang mababang presyon ng dugo o hypotension naman ay ang BP reading na mas mababa sa 90/60 mmHg, ayon sa American Heart Association at Mayo Clinic.

Samakatuwid, ang normal na presyon ng dugo ay mas mababa sa 120 mmHg sa systolic at mas mababa sa 80 mmHg sa diastolic, ayon sa chart ng American Heart Association sa itaas. Halimbawa, ang presyon ng dugo na 110/70 at 110/60 ay kinikilalang normal na presyon ng dugo.

Normal Ba ang 100/60, 90/60, 80/60 o 110/80 na BP? Mabilisang Gabay

Hanapin ang BP reading mo sa table para makita kung saan ito pumapatak sa chart ng American Heart Association sa itaas. Iisa ang mga range sa chart para sa babae at lalaki.

Kategorya lang ang ipinapakita ng table na ito, hindi diagnosis. Nagbabago ang BP sa buong araw, kaya sukatin ito nang 2 hanggang 3 beses at kunin ang average, gamit ang mga hakbang sa ibaba. Doktor lang ang makakapagsabi kung mataas o mababa talaga ang presyon mo, kaya dalhin ang mga reading mo sa cardiologist.

Paano Dapat Sukatin ang Iyong Presyon ng Dugo

Mahalaga na tama, regular, at maayos na makuha ang pagtingin sa iyong presyon gamit ang blood pressure monitor sa bahay. Kung kaya’t dapat siguraduhin na hindi ito lalampas sa normal na saklaw ng presyon ng dugo.

Maraming preparasyon ang dapat gawin bago magpakuha ng presyon ng dugo, at isa na rito ang pagsusuot ng maluwag na damit. Bukod dito, kinakailangan din na magpahinga ng ilang minuto, iwasan ang pag-eehersisyo, at ang pagkain ng pagkain bago magpacheck ng blood pressure o BP dahil sa pansamantalang pagtaas ng presyon ng dugo.  

Sundin ang mga Simpleng Hakbang na Ito:

1. Sundin ang mga tagubilin sa paggamit ng blood pressure monitor
2. Ipatong ang braso sa patag na surface na kasingtaas ng iyong puso
3. Ilagay ang cuff sa itaas ng braso, 2 cm mula sa siko upang makita ang artery
4. Huwag gumalaw at magrelaks habang kinukuha ang unang pagbasa
5. Ulitin ang pagbasa ng 2-3 beses at kunin ang average
6. Itala ang huling pagbasa ng presyon sa dugo

Karagdagang mga Tip sa Pagmonitor ng Presyon sa Dugo:

• Gamitin ang parehong braso sa regular na pagsukat.
• Sukatin ang presyon sa parehong oras araw-araw at i-record ito.
• Kumonsulta sa doktor kung may mga katanungan kung mataas o mababa ang presyon ng dugo.

Kung kailangan mo ng doktor para sa iyong BP, puntahan ang kaugnay na page na ito.

Paano Dinadiagnose ng mga Doktor ang Hypotension

Isinasagawa ang tamang pag diagnose ng hypotension sa pamamagitan ng regular na pagsusuri ng presyon sa iba’t-ibang oras at araw. Kadalasan itong ginagawa pagkatapos kumain at pagkatapos uminom ng gamot.

Ang mga sintomas ng pasyente (na nakalista sa susunod na bahagi) ay mahalaga rin upang masiguro ang tamang diagnosis. Dapat tandaan na ang mababang presyon ng dugo ay maaaring magpakita ng iba’t ibang sintomas mula sa banayad na pagkahilo hanggang sa mataas na panganib ng pagkawala ng malay na maaaring magdulot ng pagkahulog.

Kinakailangan ng pagsusuri gamit ang laboratoryo upang matukoy kung may iba pang sakit na nagdudulot ng pagtaas at pagbaba ng presyon.

Mga Risk Factor ng Hypotension:

• Mga kondisyong medikal – gaya ng diabetes mellitus, mga problema sa puso, Parkinson’s disease, occult malignancies, amyloidosis, kakulangan sa bitamina
• Edad – karaniwan sa matatanda ngunit maaari ring makita sa mga bata at kabataan
• Mga gamot – gamot sa mataas na presyon o hypertension gaya ng beta-blockers, alpha-blockers, at diuretics

Ang pagbaba ng presyon o hypotension ay maaaring babala tungkol sa sakit tulad ng sakit sa puso. Kung kaya’t dapat maging alerto upang ito ay maiwasan.

Mga Uri ng Mababang Presyon ng Dugo (Hypotension)

• Orthostatic hypotension o postural hypotension ay nailalarawan sa biglang pagbaba ng presyon ng dugo kapag tumayo ang isang tao, na maaaring magdulot ng syncope (pagkawala ng malay). Kadalasang nangyayari ay ang biglaang pagbaba ng systolic blood pressure ng 20 mmHg o pagbaba ng diastolic pressure ng hindi bababa sa 10 mmHg sa loob ng 3 minuto ng pagtayo mula sa pagkakaupo.
• Postprandial hypotension ay tumutukoy sa pagbaba ng presyon ng dugo pagkatapos kumain. Ang pagbaba ng systolic reading ng ≥20 mmHg sa loob ng 2 oras pagkatapos kumain ng mabigat na pagkain. Ito ay nakikita sa mga pasyenteng may postprandial hypotension.

Mga Palatandaan at Sintomas

Ang mga pasyenteng may mababang presyon ng dugo ay maaaring makitaan ng mga sintomas o maaaring maging asymptomatic.

Narito ang mga madalas na sintomas dahil sa mababang presyon ng dugo

• Pagkahilo
• Kawalan ng balanse
• Malabong paningin
• Problema sa pandinig
• Pagkawala ng malay
• Pagpapawis
• Pagod o panghihina
• Palpitations
• Hirap sa paghinga
• Pakiramdam na mahihimatay
• Pananakit ng leeg at balikat

Bukod sa mga nabanggit ay mayroon din na mga malubhang sintomas:

• Pagkawala ng malay-tao
• Cerebral hypoperfusion o hindi sapat na daloy ng dugo sa utak

Mga Sanhi ng Mababang Presyon ng Dugo

Maraming sanhi ang maaaring magkasabay kung ang isang pasyente ay may mababang presyon ng dugo:

• Hindi sapat na autonomic nervous systemadjustment
• Dulot ng gamot (antihypertensive, antidepressants, at antiparkinsonian na gamot)
• Mga sakit sa puso
• Neurodegenerative diseases
• Kidney failure
• Mga problema sa endocrine gaya ng adrenal insufficiency at hypoglycemia
• Malubhang impeksyon
• Labis na pag-inom ng alak
• Pagkawala ng dugo

Paggamot sa Mababang Presyon ng Dugo

Ang mga paraan ng paggamot sa mababang presyon ng dugo ay nakatuon sa pagpapagaan ng mga sintomas:

• Pagsusuri at pagbabago ng gamot – Kinakailangan na matukoy ang mga gamot na posibleng magdulot ng pagbaba ng presyon katulad ng antihypertensive na gamot. Maaari rin na ibahin ang dosage o itigil ang pag-inom ng ganitong klase ng gamot.
• Mga non-pharmacological na gamutan – Pagbabago sa pang-araw-araw na gawain upang mapataas ang presyon ng dugo

Bukod sa mga nabanggit ay maaari rin makatulong ang pagbabago ng pamumuhay. Narito ang mga posibleng dapat gawin:

• Iwasan ang pagtayo nang mabilisan
• Iwasang kumain ng malalaking portions
• Bawasan ang carbs
• Uminom ng tubig bago kumain
• Dagdagan ang asin sa pagkain
• Regular na ehersisyo para mapabuti ang daloy ng dugo
• Iwasan ang mainit na kapaligiran

Maaari rin uminom ng gamot upang makatulong sa hypotension:

• Midodrine – nagdudulot ng vasoconstriction at nagpapataas ng presyon
• Fludrocortisone – nagpapataas ng sodium retention na nagdudulot ng fluid retention

Kumonsulta sa Iyong Doktor

Magpa schedule ng konsultasyon sa iyong doktor kung ikaw ay nakararanas ng labis na pagbaba ng presyon ng dugo at patuloy ang pagkakaroon ng mga nabanggit na sintomas. Tandaan na ang malalang pagbaba ng presyon ay maaaring magdulot ng pinsala sa organs dahil sa hindi maayos na pagdaloy ng dugo sa katawan.

Maging handa sa iyong konsultasyon sa pamamagitan ng paglista ng lahat ng nararanasang sintomas. Dapat din ipagbigay alam sa iyong doktor ang mga kasalukuyang gamot na iyong iniinom para sa mainam na assessment, diagnosis, at gamutan.

Maaari rin pumunta sa malapit na ospital upang masuri ng doktor ang iyong kalagayan. Isa sa pinakamagandang option ay ang Philippine Heart Center.

Mga Kadalasang Katanungan

Ano ang ibig sabihin kung ang iyong presyon sa dugo ay nasa 110/70?

Batay sa kahulugan ng normal, mataas, at mababang presyon ng dugo, ang 110/70 bp pati na rin ang 110/60 mmHg ay itinuturing na normal.

Nalilito ako. Tiningnan ko ang aking BP kaninang umaga at naitala ito na 159/79. Subalit, nitong Sabado lamang, ito ay 140/70. Ano ang ibig sabihin ng blood pressure reading na ito?

Ang pagbaba at pagtaas ng presyon ng dugo ay madalas na nangyayari. Kadalasan na mataas ang blood pressure reading sa unang beses kaysa sa mga sumusunod na reading. Maaaring ulitin ang test ng 2-3 na beses upang malaman ang average na blood pressure reading. Bukod dito, dapat tandaan na mas mainam na magcheck ng BP sa parehas na oras sa araw-araw, at dapat gamitin ang kaparehas na braso. Huwag mataranta sa makukuhang mataas na presyon sa dugo at magpahinga ng ilang minuto bago ulitin ang test. Sundin ang mga nabanggit na tips sa ibabaw upang mas mapadali ang iyong pagmonitor ng BP sa bahay.

Paano ko malalaman ang aking presyon sa dugo sa bahay kahit walang intervention ng doktor?

Sa tulong ng pagkakaroon ng blood pressure monitoring device o sphygmomanometer sa bahay ay maaaring matukoy ang BP. Kung kaya’t dapat maging alerto sa pagpili ng device para sa madaling paggamit nito sa pang araw-araw.

Normal ba ang 110/70 na presyon ng dugo para sa babae?

Oo, ang 110/70 na presyon ng dugo ay itinuturing na normal para sa mga lalaki at babae. Ito ay nasa loob ng malusog na saklaw at karaniwang nagpapahiwatig ng magandang kalusugan ng puso at mga ugat. Tandaan na ang pagmonitor ng BParaw-araw ay kailangan at kumunsulta pa rin sa doktor pag kinakailangan.

Paano naman ang 110/60 na presyon ng dugo para sa babae?

Ang systolic na 110 at diastolic na 60 ay itinuturing pa ring normal na presyon ng dugo. Gayunpaman, ang diastolic na mas mababa sa 60 ay maaaring magdulot ng problema dahil ito ay nagpapahiwatig ng mababang presyon ng dugo. Mainam na maging alerto sa pagpapanatili ng normal na presyon ng dugo palagi.

Panghuling Paalala

Ang mababang presyon ng dugo ay maaaring maging mapanganib sa buhay, lalo na sa mga matatanda. Kung kaya’t ang pagkakaroon ng kaalaman sa pag-unawa, pagbasa, at pagsuri ng presyon ng dugo ay kailangan upang maiwasan ang panganib ng pagkahulog at pagkakaroon ng bali sa buto.

Dahil dito, mahalaga na magkaroon ng agarang diagnosis at pagpili ng tamang opsyon sa paggamot. Kumunsulta sa iyong doktor upang masiguro ang normal na presyon ng dugo!

The post Mababang Presyon ng Dugo 110/70, 110/60, at Iba Pang Pagbabasa ng Blood Pressure appeared first on NowServing Health.

🎯Mga Mahalagang Punto

• Ang high blood pressure ay kronikal na kondisyon na nagpapagod sa puso at ugat.
• Posibleng side effect ang ubo, pagkahilo, sakit ng ulo, at pagkapagod, pero hindi lahat nakakaranas nito.
• Kausapin ang doktor kung may side effect na nakakaapekto sa iyong kalusugan.
• Kumonsulta sa cardiologist para malaman kung aling gamot ang pinakaangkop sa iyong kalagayan.

Isa sa pangunahing komplikasyon na kinakaharap ng bansa ay ang patuloy na pagdami ng kaso ng hypertension o high blood pressure. Ang kronikal na kondisyong ito ay nangyayari kapag masyadong mataas ang puwersa ng dugo sa arterya, na nagdudulot ng pagod sa puso at mga ugat ng dugo. Dahil sa komplikasyong ito ay napakahalaga na makahanap ng natatanging mga gamot para sa high blood pressure sa Pilipinas upang hindi humantong sa sakit sa puso, stroke, at sakit sa bato.

Ating suriin sa gabay na ito ang mga karaniwang inirerekomendang gamot para sa high blood pressure sa Pilipinas. Alamin kung bakit ito ang madalas na inireseta ng mga doktor at ang mga posibleng side effect na maaaring idulot nito. Simulan na natin!

Paano Pumili ng Tamang Gamot Pampababa ng High Blood

Ang pagpili ng pinakamabuting gamot para sa high blood pressure sa Pilipinas ay posible kapag isinalangalang ang bisa nito, posibleng side effect, at anumang kasalukuyang kondisyon sa kalusugan. Maaaring nakakalito ito, ngunit sa tulong ng doktor sa hypertension ay  maiintindihan mo kung aling gamot ang pinakaangkop sa iyong kalagayang pangkalusugan.

Tandaan, ang high blood pressure ay isang kronikal na kondisyon na nangangailangan ng patuloy na pamamahala. Pinakamainam na subaybayan ang iyong kalusugan at dumalo sa kinakailangang konsultasyon upang mapanatili ang normal na presyon ng dugo tulad ng 110/70.

Mga Karaniwang Gamot para sa High Blood Pressure sa Pilipinas

Sa Pilipinas, may ilang gamot na karaniwang ginagamit upang gamutin ang high blood pressure. Ang bawat gamot na ito ay gumagamit ng iba’t-ibang paraan upang pababain ang blood pressure at gawin normal ito. Posible rin na ibigay ang gamot depende sa kasalukuyang kalagayan ng kalusugan ng pasyente.

Narito ang mga gamot para sa hypertension sa Pilipinas:

Enalapril – Ace-inhibitors

Ang Enalapril ay isang halimbawa ng ace inhibitor, na gamot para sa high blood pressure sa Pilipinas. Gumagana ito sa pamamagitan ng pagpigil sa enzyme na tinatawag na angiotensin-converting enzyme (ACE), na nakakatulong sa pagpapahinga ng mga ugat ng dugo at pagpapababa ng blood pressure. Dapat tandaan na ang pag-inom ng gamot na ito ay mahalaga at inirerekomenda para sa mga may sakit sa bato at puso. Sa tulong ng gamot na ito ay mababawasan ang strain sa puso at magkakaroon ng normal blood flow. Tandaan na dapat inumin ng 2 beses sa isang araw ang gamot na ito.

Losartan – Angiotensin Receptor Blockers

Samantalang, ang Losartan ay isang angiotensin receptor blocker (ARB) na madalas na inireseta para sa high blood pressure. Gumagana ito sa pamamagitan ng pagharang sa hormone na tinatawag na angiotensin II, na maaaring magpahigpit sa mga ugat ng dugo at magpataas ng blood pressure. Dahil dito, mas madalas itong ginagamit upang maiwasan ang risk ng heart attack at pag protekta sa arteries. Inirerekomenda ang paggamit ng gamot na ito sa isang beses sa isang araw. 

Metoprolol – Beta-blockers

Bukod sa mga nabanggit ay mayroon din na gamot na Metoprolol na isang halimbawa ng beta-blocker. Ito ay gumagana sa pamamagitan ng pagharang sa epekto ng adrenaline, na nagpapababa ng tibok ng puso at lakas ng pagtibok nito. Inirerekomenda ang pag-inom ng gamot na ito ng 1 o 2 beses sa isang araw.

Amlodipine – Calcium Antagonist

Isa pa sa mga gamot na dapat alalahanin ay ang Amlodipine. Ito ay isang calcium antagonist o calcium channel blocker na madalas ginagamit upang mapababa ang blood pressure ng tao. Bukod dito, ito rin ay ginagamit upang mapigilan ang pagpasok ng calcium sa muscle cells ng puso at blood vessels. Sa tulong nito ay nawawala ang paninikip ng blood vessels. Kung kaya’t epektibo itong gamot para sa high blood pressure at artery disease. Inirerekomenda ang pag-inom ng gamot ng 1 sa isang araw.

Hydrochlorothiazide – Diuretic

Ang pinakahuli ay ang gamot na tinatawag na Hydrochlorothiazide. Ito ay isang diuretic na tumutulong sa katawan na alisin ang labis na asin at tubig sa pamamagitan ng pag-ihi. Sa tulong nito ay napapababa ang dami ng likido sa mga ugat ng dugo na tumutulong sa pagbaba ng blood pressure. Kadalasan itong ginagamit bilang first-line treatment para sa hypertension o high blood pressure. Inirerekomenda  ang pag-inom ng gamot ng 1 beses sa isang araw.

Pamamahala ng mga Side Effect ng Gamot sa Blood Pressure

Bagamat epektibo ang mga gamot sa blood pressure sa pagkontrol ng high blood pressure, maaari silang magkaroon ng side effect. Ngunit dapat tandaan na ang mga side effects na ito ay nakadepende sa kalagayan ng pasyente lalo na kung mayroon silang allergy sa gamot o ibang malubhang sakit.

Narito ang mga posibleng side effects:

• Ubo
• Pagkahilo
• Sakit ng ulo
• Pagduduwal o sakit ng tiyan
• Pagkapagod

Tandaan, iba-iba ang reaksyon ng bawat tao sa gamot, at hindi lahat ay posibleng makaranas ng side effect. Kung ikaw ay nakakaranas ng kahit isa sa mga nabanggit na side effect, mahalagang kausapin ang iyong healthcare provider tungkol dito.

Kailan Dapat Magpatingin sa Doktor Tungkol sa Side Effect ng Gamot

Bagamat karamihan sa mga side effect ng gamot sa blood pressure ay hindi gaano kalala at kusang nawawala, may ilang sitwasyon na dapat bantayan. Kung ang mga side effect na iyong nararanasan ay nakakaapekto sa iyong kalusugan, nangangahulugan itong kailangan ng agarang interbensyon mula sa isang eksperto.

Agarang pagkonsulta sa doktor ang kinakailangan upang maagapan ang ganitong mga problema. Kumonsulta sa cardiologist upang malaman ang tamang dosage ng gamot para sa iyong high blood. 

Maaaring pumunta sa Philippine Heart Center upang makapagpa checkup sa doktor,

Konklusyon

Ang pagsusuri ng gamot para sa high blood pressure sa Pilipinas ay mahalaga upang matukoy ang angkop na gamot para sa iyong sitwasyon. Bagamat epektibo ang bawat isa sa mga gamot sa pagpapababa ng blood pressure, may iba pang aspeto na dapat subaybayan ng mga pasyente at eksperto sa kalusugan.

Kung ikaw ay may high blood pressure o interesado lang malaman ang mga gamot para sa hypertension sa Pilipinas, kailangan pa rin ng ibayong gabay ng expert. Sa tulong nila ay malalaman mo ang pinakatamang klase ng gamot para sa iyong kalusugan.

Magsimula sa iyong paglalakbay tungo sa paggaling sa pamamagitan ng pag-book ng online na konsultasyon sa isang cardiologist.

 

 

 

 

 

View this post on Instagram

 

 

 

 

 

 

 

 

 

 

 

 

A post shared by NowServing (@nowservingph)

The post Pagsusuri sa mga Gamot para sa High Blood Pressure sa Pilipinas appeared first on NowServing Health.

🎯Mga Mahalagang Punto

• Ang DASH diet, maraming prutas, gulay, whole grains, at low-fat dairy, ay napatunayang nagpapababa ng blood pressure.
• Saging, kamote, spinach, at nuts ay mayaman sa potassium at magnesium na lumalaban sa epekto ng asin.
• Bawasan ang asin, processed food, alak, at caffeine; uminom ng 8 basong tubig araw-araw.
• Kung mataas pa rin ang presyon kahit tama ang diyeta, magpakonsulta sa cardiologist.

Ang mataas na presyon ng dugo o high blood pressure ay isang malaking problema sa kalusugan na nakakaapekto sa maraming Pilipino. Ngunit, may magandang balita! Ang tamang pagkain at lifestyle changes ay maaaring maging mabisang paraan upang mapamahalaan at mabawasan ang iyong blood pressure.

Alamin ang mabisang paraan para sa mabilis na pampababa ng blood pressure sa artikulong ito. Tuklasin ang mga tamang pagkain para bumaba ang blood pressure.

Pag-unawa sa High Blood Pressure

Bago tayo magtalakay ng mga pagkain at solusyon, mahalagang maintindihan kung ano ang high blood pressure at bakit ito nakakapagdulot ng problema sa kalusugan.

Mga Karaniwang Sintomas ng High Blood Pressure

Maraming tao ang may high blood pressure nang hindi nila nalalaman. Narito ang ilang mga sintomas na dapat mong bantayan:

1. Matinding sakit ng ulo
2. Pagkahilo
3. Pangangapos ng hininga
4. Pagdurugo ng ilong
5. Pagod o pagkalito

Kung nakakaranas ka ng alinman sa mga sintomas na ito, mahalagang kumonsulta sa iyong doktor. Maaaring kumonsulta sa Cardiologist upang tingnan ang iyong blood pressure.

Pwede mo rin puntahan ang Philippine Heart Center upang kumonsulta sa doktor sa puso.

Basahin ang kaugnay na artikulo tungkol sa sintomas ng high blood pressure

Ang Kahalagahan ng Tamang Nutrisyon sa Pagkontrol ng Blood Pressure

Ang ating kinakain ay direktang nakakaapekto sa ating kalusugan, lalo na sa ating cardiovascular system. Ang tamang nutrisyon ay makakatulong sa ating katawan na mapanatili ang tamang balanse ng mga mineral at electrolytes, na kritikal sa pagpapanatili ng normal na blood pressure.

Ang DASH Diet: Isang Proven na Paraan para sa Mas Mababang Blood Pressure

Ang DASH (Dietary Approaches to Stop Hypertension) diet ay isang kilalang paraan ng pagkain na napatunayan nang epektibo sa pagbababa ng blood pressure. Ito ay nakatuon sa pagkain ng maraming prutas, gulay, whole grains, at low-fat dairy products, habang binabawasan ang pagkonsumo ng saturated fat at asukal.

Mga Prutas na Makakatulong sa Pagbaba ng Blood Pressure

Ang mga prutas ay hindi lamang masarap kundi puno rin ng mga sustansya na makakatulong sa pagbaba ng blood pressure. Narito ang ilang mga prutas na dapat mong isama sa iyong diyeta:

1. Saging
2. Mansanas
3. Berry (strawberry, blueberry, raspberry)
4. Ubas
5. Kiwi
6. Watermelon

Ang mga prutas na ito ay mayaman sa potassium, fiber, at antioxidants na makakatulong sa pagpapanatili ng malusog na puso at mga daluyan ng dugo.

2 minuto para bumaba ang blood pressure sa mabisang pagkain, basahin ang kaugnay na artikulong ito.

Mga Gulay na Mabuti para sa Iyong Blood Pressure

Ang mga gulay ay hindi lamang mababa sa calories kundi puno rin ng mga sustansya na nakakatulong sa pagbaba ng blood pressure. Ang regular na pagkonsumo ng iba’t ibang gulay ay mahalaga para sa pangkalahatang kalusugan at partikular na mabuti para sa iyong cardiovascular system. Narito ang ilang mga gulay na dapat mong kainin nang mas madalas at kung bakit sila nakakatulong sa pagbaba ng blood pressure:

1. Spinach at iba pang madahong gulay: Ang spinach ay mayaman sa potassium, magnesium, at folate. Ang mga sustansyang ito ay nakakatulong sa pagpaparelax ng mga blood vessels at pagpapababa ng blood pressure. Subukan din ang kale, mustasa, at pechay para sa kaparehong benepisyo.
2. Broccoli: Ang broccoli ay hindi lamang mayaman sa fiber kundi puno rin ng potassium at Vitamin C. Ang Vitamin C ay isang malakas na antioxidant na nakakatulong sa pagprotekta sa mga blood vessels mula sa pinsala.
3. Carrots: Ang mga carrots ay mayaman sa beta-carotene at potassium. Ang beta-carotene ay nakakatulong sa pagbabawas ng inflammation sa katawan, na maaaring magpababa ng blood pressure.
4. Kamatis: Ang mga kamatis ay mayaman sa lycopene, isang antioxidant na nakakatulong sa pagpapababa ng bad cholesterol at pagpapataas ng good cholesterol. Ito ay nakakatulong din sa pagpapababa ng blood pressure.
5. Beets: Ang mga beets ay mayaman sa nitrates, na nakoconvert ng ating katawan sa nitric oxide. Ang nitric oxide ay nakakatulong sa pagpaparelax ng mga blood vessels at pagpapababa ng blood pressure.
6. Celery: Ang celery ay naglalaman ng mga compounds na nakakatulong sa pagpaparelax ng mga arterya at pagpapababa ng inflammation. Ito ay mababa rin sa calories kaya magandang snack para sa mga nagbabawas ng timbang.
7. Talong: Ang talong ay mababa sa calories at mayaman sa potassium, magnesium, at fiber. Ito ay nakakatulong sa pagpapanatili ng malusog na blood pressure at pagpapabuti ng digestion.
8. Asparagus: Ang asparagus ay mayaman sa potassium at folate. Ang folate ay nakakatulong sa pagbabawas ng homocysteine levels sa dugo, na maaaring magpataas ng panganib ng heart disease.
9. Kalabasa: Ang kalabasa ay mayaman sa potassium at fiber. Ang fiber ay nakakatulong sa pagpapababa ng cholesterol levels, na maaaring makaapekto sa blood pressure.
10. Garlic: Bagama’t kadalasang ginagamit bilang pampalasa, ang bawang ay maaaring ituring na gulay. Ito ay naglalaman ng allicin, isang compound na nakakatulong sa pagpapababa ng blood pressure at pagpapabuti ng cardiovascular health.

Upang makuha ang pinakamaraming benepisyo mula sa mga gulay na ito, subukan ang mga sumusunod na tip:

• Kainin ang mga ito nang sariwa o lightly steamed upang mapanatili ang kanilang mga nutrients.
• Gumawa ng vegetable smoothies o fresh juices para sa mabilis na nutrient boost.
• Idagdag ang iba’t ibang gulay sa iyong mga ulam para sa mas maraming flavor at nutrients.
• Subukang mag-snack ng raw na gulay tulad ng carrots o celery sticks sa halip na processed snacks.

Tandaan, ang pagkakaiba-iba ay susi. Ang pagkain ng iba’t ibang uri ng gulay ay nakakatulong sa iyo na makakuha ng lahat ng kinakailangang nutrients para sa optimal na kalusugan ng puso at pangkalahatang wellness.

Ang Kapangyarihan ng Whole Grains

Ang whole grains ay hindi lamang magandang source ng fiber kundi naglalaman din ng mga sustansya na nakakatulong sa pagkontrol ng blood pressure. Narito ang ilang whole grains na dapat mong isama sa iyong diyeta:

1. Brown rice
2. Oatmeal
3. Quinoa
4. Whole wheat bread
5. Barley

Ang mga whole grains na ito ay mayaman sa magnesium, potassium, at fiber na nakakatulong sa pagpapanatili ng malusog na puso at normal na blood pressure.

Lean Proteins para sa Mas Malusog na Puso

Ang pagpili ng tamang mga protein sources ay mahalaga rin sa pagkontrol ng blood pressure. Narito ang ilang lean proteins na dapat mong isama sa iyong diyeta:

1. Isda (lalo na ang mga mayaman sa omega-3 tulad ng salmon at tuna)
2. Manok (walang balat)
3. Turkey
4. Beans at lentils
5. Tofu at iba pang soy products

Ang mga lean proteins na ito ay mababa sa saturated fat at mayaman sa mga sustansya na nakakatulong sa pagpapanatili ng malusog na puso.

Mga Pagkaing Mayaman sa Potassium

Ang potassium ay isang mahalagang mineral na nakakatulong sa pagbalanse ng epekto ng sodium sa ating katawan. Ang mga sumusunod na pagkain ay mayaman sa potassium:

1. Saging
2. Kamote
3. Yogurt
4. Beans
5. Spinach
6. Avocado
7. Kalabasa

Ang regular na pagkain ng mga pagkaing mayaman sa potassium ay makakatulong sa pagbabawas ng epekto ng sodium at pagpapababa ng blood pressure.

Mga Pagkaing Mayaman sa Magnesium

Ang magnesium ay isa pang mahalagang mineral na nakakatulong sa pagpaparelax ng mga daluyan ng dugo. Narito ang ilang pagkaing mayaman sa magnesium:

1. Almonds at iba pang nuts
2. Spinach at iba pang madahong gulay
3. Whole grains
4. Dark chocolate
5. Avocado
6. Pumpkin seeds

Ang pagsasama ng mga pagkaing ito sa iyong diyeta ay makakatulong sa pagpapabuti ng daloy ng dugo at pagbababa ng blood pressure.

Ang Kahalagahan ng Pagbabawas ng Sodium Intake

Habang pinag-uusapan natin ang mga pagkaing dapat kainin, mahalagang talakayin din ang mga pagkaing dapat bawasan o iwasan. Ang sobrang sodium intake ay isa sa mga pangunahing dahilan ng mataas na blood pressure. Narito ang ilang tips para mabawasan ang iyong sodium intake:

1. Iwasan ang pagkain na maalat tulad ng chips at processed meats
2. Bawasan ang paggamit ng asin sa pagluluto
3. Basahin ang mga nutrition labels
4. Gumamit ng mga herbs at spices bilang kapalit ng asin

Ang pagbabawas ng sodium intake ay isa sa mga pinakamabisang paraan upang mapababa ang blood pressure.

Ang Benepisyo ng Pagdaragdag ng Bawang at Sibuyas sa Iyong Diyeta

Ang bawang at sibuyas ay hindi lamang nagdadagdag ng lasa sa iyong pagkain kundi may mga compounds din na nakakatulong sa pagbaba ng blood pressure. Ang allicin, na matatagpuan sa bawang, ay nakakatulong sa pagpapalawig ng mga daluyan ng dugo at pagbababa ng blood pressure.

Mga Herbs at Spices na Makakatulong sa Pagbaba ng Blood Pressure

Bukod sa bawang, may iba pang herbs at spices na maaaring makatulong sa pagbaba ng blood pressure:

1. Thyme
2. Basil
3. Cinnamon
4. Ginger
5. Turmeric

Ang mga herbs at spices na ito ay hindi lamang nagdadagdag ng lasa sa iyong pagkain kundi may mga anti-inflammatory at antioxidant properties din na mabuti para sa iyong puso.

Ang Papel ng Dairy Products sa Pagkontrol ng Blood Pressure

Ang low-fat dairy products ay maaaring maging bahagi ng isang malusog na diyeta para sa pagkontrol ng blood pressure. Ang mga ito ay mayaman sa calcium, potassium, at Vitamin D, na lahat ay nakakatulong sa pagpapanatili ng normal na blood pressure. Subukang isama ang mga sumusunod sa iyong diyeta:

1. Low-fat o non-fat milk
2. Yogurt
3. Cottage cheese

Tandaan na piliin ang mga low-fat options upang maiwasan ang sobrang saturated fat.

Mga Inumin na Makakatulong sa Pagbaba ng Blood Pressure

Hindi lamang pagkain ang makakatulong sa pagbaba ng blood pressure. May ilang mga inumin din na may positibong epekto:

1. Green tea
2. Hibiscus tea
3. Low-fat milk
4. Beet juice
5. Pomegranate juice

Ang mga inuming ito ay mayaman sa mga compounds na nakakatulong sa pagpapabuti ng kalusugan ng puso at pagbababa ng blood pressure.

Ang Kahalagahan ng Hydration sa Pagkontrol ng Blood Pressure

Ang pag-inom ng sapat na tubig ay napakahalaga sa pagpapanatili ng normal na blood pressure. Ang dehydration ay maaaring magpataas ng blood pressure, kaya siguraduhing uminom ng hindi bababa sa 8 glasses ng tubig araw-araw. Ngunit bakit nga ba napakahalaga ng hydration sa pagkontrol ng blood pressure?

Paano Nakakaapekto ang Hydration sa Blood Pressure

1. Volume ng Dugo: Ang tubig ay nakakatulong sa pagpapanatili ng tamang volume ng dugo sa ating katawan. Kapag dehydrated tayo, nababawasan ang volume ng dugo, na maaaring magresulta sa pagtaas ng blood pressure dahil kailangang mas magsikap ng puso para maipompa ang dugo sa buong katawan.
2. Viscosity ng Dugo: Ang sapat na hydration ay nakakatulong sa pagpapanatili ng tamang viscosity o lapot ng dugo. Kapag dehydrated, nagiging mas malapot ang dugo, na nangangailangan ng mas malakas na pagbomba ng puso, na maaaring magpataas ng blood pressure.
3. Pagtatanggal ng Toxins: Ang tubig ay nakakatulong sa pagtatanggal ng mga toxins at excess sodium sa katawan sa pamamagitan ng ihi. Ang excess sodium ay isa sa mga pangunahing dahilan ng mataas na blood pressure.
4. Pagsasaayos ng Body Temperature: Ang sapat na hydration ay nakakatulong sa katawan na mapanatili ang tamang temperatura. Ang dehydration ay maaaring magresulta sa pagkakaroon ng stress sa katawan, na maaaring magpataas ng blood pressure.

Mga Tip para sa Tamang Hydration

1. Inumin ang Tamang Dami ng Tubig: Ang karaniwang rekomendasyon ay 8 glasses (2 liters) ng tubig sa isang araw, ngunit maaaring mag-iba ito depende sa iyong aktibidad level, klima, at pangkalahatang kalusugan.
2. Makinig sa Iyong Katawan: Uminom kapag nauuhaw ka. Ang kulay ng iyong ihi ay maaari ring magbigay ng ideya kung sapat ang iyong hydration – dapat itong maging malinaw hanggang light yellow.
3. Dagdagan ang Pag-inom ng Tubig Kapag Mainit o Nag-eehersisyo: Kailangan mo ng mas maraming tubig kapag mainit ang panahon o kapag aktibo ka.
4. Kumain ng Mga Pagkaing Mayaman sa Tubig: Ang mga prutas at gulay tulad ng watermelon, cucumber, at lettuce ay mataas ang water content at makakatulong sa iyong hydration.
5. Limitahan ang Pag-inom ng Caffeine at Alak: Ang caffeine at alak ay may diuretic effect, ibig sabihin, nagpapataas ito ng produksyon ng ihi at maaaring magresulta sa dehydration.
6. Gumamit ng Water Tracker o App: Maaari kang gumamit ng water tracker o smartphone app para matulungan kang subaybayan ang iyong pag-inom ng tubig.

Iba Pang Uri ng Inumin para sa Hydration

Bagama’t ang tubig ang pinakamabuting inumin para sa hydration, may iba pang mga inumin na maaari mong isama sa iyong diyeta:

1. Herbal Tea: Ang mga herbal tea tulad ng hibiscus tea ay maaaring makatulong sa pagpapababa ng blood pressure.
2. Low-fat Milk: Mayaman sa calcium at potassium, na parehong nakakatulong sa pagkontrol ng blood pressure.
3. Fresh Fruit at Vegetable Juices: Ang mga natural na juice (walang dagdag na asukal) ay maaaring magbigay ng hydration at mga karagdagang nutrients.
4. Coconut Water: Mayaman sa potassium at maaaring makatulong sa pagpapababa ng blood pressure.

Tandaan, ang tamang hydration ay isang simpleng ngunit mabisang paraan upang mapanatili ang normal na blood pressure. Sa pamamagitan ng pagsisiguro na umiinom ka ng sapat na tubig at iba pang malusog na inumin araw-araw, ginagawa mo ang isang mahalagang hakbang tungo sa mas malusog na puso at mas mababang blood pressure.

Basahin ang artikulong ito upang mas maunawaan ang tamang pagpili ng pagkain kapag may hypertension.

Mga Bawal sa High Blood: Pagkaing Dapat Iwasan o Bawasan

Kasabay ng pag-alam ng mga pagkaing dapat kainin, mahalagang malaman din ang mga pagkaing dapat iwasan o bawasan:

1. Processed foods
2. Fast food
3. Mga pagkaing mataas sa asin
4. Alak
5. Mga inuming may caffeine
6. Mga mamantikang pagkain

Ang pagbabawas o pag-iwas sa mga pagkaing ito ay makakatulong sa pagpapanatili ng mas mababang blood pressure.

Ang Kahalagahan ng Regular na Exercise

Bagama’t ang pagkain ng tamang mga pagkain ay napakahalaga, hindi ito ang tanging solusyon sa pagkontrol ng blood pressure. Ang regular na exercise ay mahalaga rin. Narito ang ilang mga ehersisyong maaari mong subukan:

1. Brisk walking
2. Jogging
3. Swimming
4. Cycling
5. Yoga

Kung hindi ka sigurado kung paano magsimula, maraming available na exercise videos sa YouTube na maaari mong sundan.

Mga Karagdagang Lifestyle Changes para sa Mas Mababang Blood Pressure

Bukod sa tamang pagkain at regular na exercise, may iba pang mga lifestyle changes na makakatulong sa pagbaba ng blood pressure:

1. Pagbawas ng stress
2. Pagtigil sa paninigarilyo
3. Pagbawas ng pag-inom ng alak
4. Pagpapanatili ng malusog na timbang

Basahin ang kauganay na artikulo upang malaman ang first aid para sa high blood pressure.

Paano Subaybayan ang Iyong Blood Pressure sa Bahay

Ang regular na pagsubaybay sa iyong blood pressure ay mahalaga. Narito ang ilang tips sa tamang pagsukat ng blood pressure sa bahay:

1. Gumamit ng validated na blood pressure monitor
2. Sumukat sa parehong oras araw-araw
3. Iwasan ang kape, alak, at paninigarilyo bago magsukat
4. Umupo nang komportable at magpahinga ng ilang minuto bago magsukat

Kailan Dapat Magpakonsulta sa Doktor

Kahit na ang mga pagbabago sa lifestyle at diyeta ay mabisa, may mga pagkakataon na kailangan mong magpakonsulta sa doktor:

1. Kung ang iyong blood pressure ay patuloy na mataas kahit na sinusunod mo ang mga rekomendasyon
2. Kung nakakaranas ka ng matinding sintomas
3. Kung may kasaysayan ng heart disease ang iyong pamilya

Tandaan, ang iyong doktor ang pinakamahusay na makapagbibigay ng personal na payo batay sa iyong indibidwal na kalagayan.

Alamin ang mga gamot para sa iyong high blood pressure sa pamamagitan ng artikulong ito.

Sa pamamagitan ng pagsunod sa mga rekomendasyon na ito at pagsasama ng mga nabanggit na pagkain sa iyong araw-araw na diyeta, maaari mong mapababa ang iyong blood pressure at mapanatili ang isang mas malusog na pamumuhay. Tandaan, ang iyong kalusugan ay nasa iyong mga kamay, at ang bawat hakbang tungo sa mas malusog na pagkain ay isang hakbang tungo sa mas malusog na puso at buhay.

Tandaan na malaki ang naitutulong ng tamang pagkain upang mabawasan ang madalas na pagtaas ng iyong blood pressure. Ngunit, kung hindi mo alam ang nararapat na portion at mga pagkain na dapat na iyong kainin, dapat lamang na kumonsulta sa Diet and Nutrition doktor.

Kung gusto mo naman kumonsulta sa iba pang specialist tulad ng cardiologist, maaari mong bisitahin and page na ito.

Gusto mo na bang kumonsulta sa doktor ngayon? Maaaring gamitin ang NowServing para sa online consultation.

Gamot sa Altapresyon

Basahin ang aming gabay sa mga gamot, home remedy, at kailan magpa-doctor: Gamot sa Altapresyon: High Blood Medicine, Pagkain, at Lunas.

The post Pagkain para Bumaba ang Blood Pressure: Ang Iyong Komprehensibong Gabay sa Malusog na Puso appeared first on NowServing Health.